POSIBLENG mopagawas og cease and desist order ang City Government sa GenSan batok nagpasiugdan sa gituohang treasure hunting activity duol sa City Jail sa Lanton, Barangay Apopong.
Ugaling padayon nga pagpamagahi sumala pa sa nagpasiugdan sa aktibidad sa mandu nga otoridad nga ipasarado ang gikalot nga yuta sa lugar.
Pakyas ang kapulisan ug sakop sa City Environment and Natural Resources Office (CENRO) sa pagpasarado sa treasure hunting sa lugar.
Human mibalibad ang gikaengong Pastor Neri Clam nga pasarad-an ang naa sa 130 katiil nga gilawomon sa gikalot. Matud ni Atty. Franklin Gacal Jr., City Administrator sa LGU-GenSan nga kung kinahanglan sa kapulisan og cease and desist order aron mapasarado ang bangang, ipagawas nila kini.
Una nang, gisaad ni clam nga tabunan niya ang gikalot nga bangang sa maong lugar human gitagaan og pito kaadlaw sa mga otoridad nga himoon ang maong lakang.
Kahibaloan nga mireklamo ang pangulohan sa Bureau of Jail Management and Penology (BJMP) sa aktibidad duol sa pasilidad tungod sa posibleng risgo nga mahitabo gumikan sa aktibidad. I Richel Gubalani
