GIPLANO sa usa ka konsehal nga ipadayon ang pagduso sa ‘Anti –Epal ordinance’ nga una nang giduso sa duha ka konsehal sa mga nakalabay nga katuigan.
Aron bawalan ang indibidbwal partikular na pulitiko nga ipresenta ang kaugalingon “inappropriately” sa usa ka sitwasyon. Kini dungan sa init nga diskusyon sa sesyon sa Sangguniang Panlungsod (SP) sa GenSan human gilatag sa usa ka konsehal ang rason sa plano niining pagduso sa maong sugyot balaudnon.
Asa gisulti ni Konsehal Froebelle Kan Balleque nga dili kini ganahan motambong sa flag ceremony matag lunes tungog ginapatugtug sumala pa ang campaign jingle sa mayor. Kini ang pangutana ni Balleque kang Jerry Gonzales, acting division chief sa sports division.
Apan human mitubag si Gonzales, mitubag usab si Konsehal Dominador Lagare Jr., gikanayon niini nga sa mayor ginapahinungod sa konsehal ang mga pangutana kalabut sa nawong sa mayor nga naa sa mga tarpaulin sa event o programa sa LGU.
Samtang , pabor si Atty. Franklin Gacal Jr., city administrator sa lakang ni Balleque tungod kaniadto giduso usab niini ang susamang ordinansa aron batok mga ‘Epal’ atol sa elekasyon Kahibaloan nga base sa “Anti-Epal ordinance,” sa ubang lugar nasud, ang maong ordinansa ang magbwala sa pagdisplay sa pangalan, initials o imahe sa local government officials sa signs, promotional materials, ug project-related structures sa lugar.
Tumong sa ordinansa ang protektahan ang integridad sa public servant ilawom sa article 11 sa philippine constitution. Alayon usab kini sa DILG memorandum circular nga nag-ban sa paggamit sa government officials’ sa pangalan o imahe sa kalabut sa government programs ug projects. I Richel Gubalani
