GIANGKON sa opisyal sa health office sa GenSan ang posibilidad sa pagsulod sa Omicron variant. Human wala nay nagbantay sa mga inbound travellers sa airport gawas sa personahe sa Civil Aviation Authority of the Philippines (CAAP).
Matud ni Dr. Lalaine Calonzo, assistant department head sa CHO dihang miubos ang kaso sa Covid-19 ug gipakusgan ang vaccination rollout. Gibalhin ang sakop sa City Disaster Risk Reduction Management Council (CDRRMC) sa mega vaccinate site.
Rason nga kung dili magpahibalo ang travelers sa iyang pag-abot sa GenSan gikan sa Manila, dili usab kini mabal-an sa RHU. Gawas niini, walay hotel nga mabutangan sa travelers tungod sa karon nagpadayon ang bidding sa LGU sa mga tag-iya sa hotels.
Hinungdan nga tungod niini, dako ang posibilidad nga makalusot ang indibidwal nga na-impeksyon sa virus nga wala nasayran sa LGU. Kahibaloan nga daghan sa inbound travelers sa GenSan airport ang residente sa ubang parte sa Soccsksargen region. I Richel Gubalani
