NAGPAHIGAYON og simulated exercise o SIMEX ang kapulisan ug kasundalohan sa GenSan. Kini aron masayran kung paunsa ug unsa ka paspas ang pagresponde sa mga nasangpit sa posibleng bomb threats ug bomb attacks.
Matud ni PLt.Col. Aldrin Gonzales, tigpamaba sa GenSan City Police Office (GSCPO) ang SIMEX sa bombing ug bomb disposal ang gihimong sulod sa Bulaong terminal sa dakbayan, Martes sa buntag. Naghatag kini og higayon ang SIMEX nga makapailawom sa refresher course ang mga gitawag nga ‘first’ responders sa dakbayan.
Giklaro ni Gonzales nga bisan paman wala’y seryosong bahad sa seguridad ang GenSan, kinahanglang kanunay alerto ang otoridad. Sa bahin usab ni Col. Galileo Goyena, commander sa Joint Task Force GenSan (JTF) nga wala nila gisulti sa tanan ang exercise. Gumikan buot nilang makita ang tinuod nga pagresponde sa mga sakop ugaling makadawat og taho sa pagpamomba.
Sa bahin ni Roel James, traysikel drayber nga naka-torno gawas terminal nakurat sila dunay nasayran nga dunay bomba. Apan nahupay dihang nasuta nga kini ang usa ka exercise o SIMEX. I Richel Gubalani
