LUYO sa kakulangon sa pasilidad ug magtutudlo nga usa sa kanunay’ng hagit matag pagbalik sa eskwela. Gibutyag ni Romelito Flores, Schools Division Superentendent sa Department of Education (DepEd- GenSan) ‘almost ready’ na sila sa mosuluray nga school year 2022-2023 nga magsugod sa Agosto 22.
Asa gilaoman nilang mosaka sa 150,000 ka magtutungha ang magpa-enrol sa pampublikong tulunghaan ug kapin kulang 100,000 estudyante ang magpa-enrol sa pribadong eskwelahan sa GenSan. Dugang ni Flores, sa mga kakulangon duna na sila’y mga remedyo nga ginahimo sa kasamtangan.
Apan gisiguro sa opisyal nga himoon ang tanang sa ahensiya aron mahimong hapsay ang pagbalik sa tulunghaan sa mga estudyante. Human ang duha katuig nga blended dungan sa pag-igo sa Covid-19 pandemic. Kahibaloang, gipagawas na sa DepEd ang mandu nga nagtakda sa pagsugod sa klase sa maong petsa.
Apan sa Nobyembre 2, 2022 gitakda ang pagbalik sa full implementation sa face-to-face classes human ang transition gikan sa maong petsa hangtud Oktubre 31. Sa GenSan, naa na sa syento por syento sa pampublikong eskwelahan ang nagpatuman og limited F2F classes. I Richel Gubalani
