GIPAKUSGAN pa sa kapulisan sa GenSan ang ilang presensiya atol sa Christmas season ug pagsugod sa traditional nga ‘Simbang Gabi’. Matud ni PLt. Clarizel Perez, tigpamaba sa GenSan City Police Office (GSCPO) buot nilang masiguro nga malinawon ang bag-o ug human ang selebrasyon.
Gimanduan na usab ang mga police commanders ni PCol. Gilberto Tuzon, director sa GSCPO sa pagmintina sa kahapsay ug kalinaw. Nagdugang na og sakop ang GSCPO gikan sa regional headquarters aron mobantay sa seguridad partikular sa novena masses sa mga simbahan.
Pagpatuman sa balaud ug masiguro nga luwas ang publiko atol sa selebrasyon sa kapaskuhan ug Bag-ong tuig. Ipadayon usab sa kapulisan ang kampanya batok kriminalidad, loose firerarms ug pagpakusog sa pagbantay batok namaligya og firecrackers ug pyrotechnics. I Richel Gubalani
