GIHINGUSGAN sa kapulisan nga wala sila nagkulang sa pagbantay sa seguridad dungan sa serye sa pagpamusil-patay sa GenSan. Matud ni PLt. Clarizel Perez, tigpamaba sa GenSan City Police Office (GSCPO) naa na sa gawas sa presinto ug city headquarters ilang sakop.
Aron bantayan ang seguridad apan tungod sa kakulangon nila og sakop asa ang usa ka pulis sa GenSan ginabantayan ang 700 katao. Kulang ang ilang pwersa nga naa sa kinatibuk-ang 889 ka pulis hinungdan sa subling apela sa publiko sa pakigtinabangay.
Gilayon sumala pa nga isumbong sa mga presinto kung makakita og gikaduhang lihok sa tawo ug sakyanan aron dayong marespondehan. Biyernes sa buntag, gipusil patay sa riding in tandem si Romelito Fronteras samtang sakay sa motor sa Nursery road, Barangay Lagao. Alas-8 sa gabii sa samang adlaw, gipatay pinaagi sa pagpamusil si Nestor Ortega Jr., panday taga Purok Vicente, Barangay Labangal.
Alas-11 sa buntag, Lunes gipusil-patay sa nakamotorsiklong mga lalaki si Gerel Mamac Gerebise, 39-anyos, taga Lanton, Barangay Apopong. Gipusil si Gerebise sa Purok Emillana, Barangay Calumpang ning dakbayan.Ang mga insidente ang giimbestigahan pa sa kapulisan. I Richel Gubalani
