MIKALAMPAG ang labaw sa kapulisan sa GenSan dungan sa pag-swab test sa Rural Health Unit (RHU) sa Barangay Labangal sa mga personahe sa Makar Police Station.
Matud ni PCOL. Gilberto Tuzon, director sa General Santos City Police Office (GSCPO) base sa Standard Operating Procedure (SOP) ug protocols sa Philippine National Police (PNP). Ang Regional Health Service (RHS) ilawom sa PNP ang dunay tahas nga mo-check sa ilang mga personahe.
Sa bahin usab sa RHU sa maong barangay ang kapitan nalang sumala pa nila ang maoy motubag sa pamahayag ni Tuzon.
Nagpasibaw si Tuzon sa iyang reaksyon sa nahitabo dungan sa labing ulahing pulong sa Local- Inter Agency Task Force on Covid-19. Kahibaloan nga pipila ka pulis sa maong presinto ang nagpositibo sa Covid-19 lakip ang 20 ka piniriso rason sa paglockdown.
Sa kinatibuk-an, base sa datus sa GSCPO gikan Mayo 1 hangtud Mayo 20 misaka na sa 26 ka PNP personnel ang nagpositibo sa virus. (Richel Gubalani)
