GIKULANG na ang supply sa test kit sa molecular laboratory sa Dr. Jorge P. Royeca Hospital (DJPRH) sa GenSan dungan sa pagsaka sa kaso sa Covid-19 sa dakbayan.
Kini ang gibutyag ni Dr. Rochelle Oco, labaw sa City Health Office ug incident commander sa Local Inter- Agency Task Force on Covid-19 (CIATF). Butyag ni Dr. Oco, karon ang mga samples ang gipadala sa Cotabato Regional Medical Center sa Cotabato City.
Tungod niini, posibleng madugayan pa ang paggula sa resulta sa gipadalang mga specimen. Kahibaloan nga daghang dapit sa rehiyon ug sa BARMM ang nagpadala sa RMCC sa ilang samples.
Samtang naglaom ang Chief of Hospital sa maong ospital nga si Dr. Ryan Aplicador nga madungagan ang supply sa tocilizumab ang tambal nga ginagamit sa pagtambal sa critical hangtud severe Covid-19 cases. Dungan sa pagsaka sa kaso sa severe ug critical cases sa maong virus sa GenSan. (Richel Gubalani)
