KASO ang atubangon sa pulis nga maaktohang miapil sa online sabong ug duna kini silot nga pagkasuspende ug demotion. Kini ang bahad ni PCol. Paul Bometivo, city police director sa General SantosCity Police Office (GSCPO). Matud ni Bometivo, laoman ang pagpahigayon niya og suprisa nga inspeksyon sa mga cellphone ug uban pang gadget sa kapulisan.
Gikaawhag usab niini ang publiko nga gilayong isumbong kanila ang sakop nga nalambigit sa iligal nga aktibidad. Kini ang imbestigasyon ug kung dunay ebidensiya posibleng mag-atubang kini og kasong grave misconduct.
Kahibaloan nga gimando ni PNP Chief Dionardo Carlos nga inspeksyonon ang mga cellphone sa mga personahe. Tumong pugngan ang pagkalambigit sa kapulisan sa online sabong o e-sabong.
Sa mga pulis nga lambigit sa online gambling, gibutyag ni Bometivo nga miihap na ang ilang mga adlaw. Sa Police Regional Office (PRO) 12, pipila ka pulis ang nasuspenso ug nataktak sa serbisyo human naaktohan sa pagsugal sulod sa sabungan. I Richel Gubalani
