PAKYAS nga maka-quorom ang GenSan City council alang sa ilang regular sesyon, Martes sa buntag.
Kini dungan sa official leave sa majority sa mga konsehal sa GenSan. Matud ni Konsehal Jose Orlando Acharon, presiding officer sa city council, gideklara niya nga walay quorum sa 20th Sangguniang Panlungsod (SP). Human nasuta nga unom lang kanila ang siya isip presiding officer ug silang konsehal Froebelle Kan Balleque, Elizabeth Bagonoc, Jonathan Blando, Jane Rivera. Naabot si Konsehal Jose Edmar Yumang, nadeklara na niini nga walay qourom alas-9:07 sa buntag.
Sa impormasyon city council, official leave silang Konsehal Dominador Lagare, Jr., Maria Lourdes Casabuena, Vandyke Congson, Richard Atendido, Virginia Llido, SP ex-officio members Lucio Cawayan, Sr., Elijah Joanne Polistico ug Alberto Pacquiao.
Mahinungdanon unta nga hisgotan sa sesyon mao ang ordinansa sa paghatag og P2, 000 birthday gift incentives sa solo parents sa siyudad. I Richel Gubalani
