Gibutyag sa Department of Health (DOH)-XI nga nikanaog ang ihap sa mga specimen nga kayang iproseso sa University of the Philippines-Philippine Genome Center (UP-PGC) human nga anaa lamang sa 75 specimens kada semana o 300 kada bulan alang sa whole-genome sequencing.
Sumala kang Rachel Joy Pasion, DOH-Davao Regional Epidemiology Surveillance Unit head, kini tungod sa limitadong storage facility.
Resulta niini ang 3,153 specimens gikan sa tibook rehiyon ang nakapending o naghulat nga iproseso alang sa sequencing o pagdetek sa nagkadaiya nga variant sa virus.
Gumikan usab sa limitado nga storage facility nagpatuman og guideline ang UP-PGC sa pagdawat og specimen nga kinahanglan una moagi sa “epidemiologic criteria” aron dili masayang ang ipasa nga sample.
Usa sa mga guidelines, ang specimen kinahanglang gikan sa clustering of cases, ang pasyente anaa sa severe o critical state, dunay travel history (returning overseas Filipino olocally stranded individuals), ug kinahanglan active case.
Bisan pa man niini, gisiguro sa DOH-XI nga mopasa sa
epidemiologic criteria ang ipadala nga specimen aron maoy iprayoridad sa pagproseso.
