NAGA CITY- Napahaba pa ang General Community Quarantine with Heightened Restrictions sa Naga City hanggang sa Setyembre 30 , sa huling quarantine classification na inilabas ng Interagency Task Force sa Region 5 tanging Naga ang nasa nasabing klasipikasyon.
Nitong weekend lamang nakapagtala ng mataas na kaso ng COVID-19 ang lungsod ; 88 noong Sabado, 47 naman nitong Linggo, 28 nitong Lunes.
Sa ulat sa COVID-19 ng Department of Health Bicol, sinabi ni Dr. Maria Teresa Daluro, Regional epidemiologist ng DOH na mataas ang positivity rate ng Naga nito lamang nagdaang linggo.
Sa mahigit 430 na naipadalang swab samples mahigit 214 dito ang positibo sa sakit.
Gayunpaman sinabi ni Daluro na hindi niya matumbok ang rason nito hanggat wala pang resulta ng analysis ng data.
