Kabantay ba mo nga murag landong, Mga Ka-Brigada? Dili kana panganod kundi “Sulfur Dioxide Haze” tungod sa pagbuga ug 4,113 ka tonelada nga Sulfur Dioxide.
Basi sa gipagawas nga update sa PHIVOLCS-DOST sa ilang pag oberbar sa maong bulkan sulod sa 24 ka oras, anaa gihapon sa Alert Level 2 ang Bulkang Kanlaon ug padayon gihapon ang pagtaas sa aktibidad niini. Gikan 12 AM Hulyo 4, 2024 hantod 12 AM Hulyo 5, 2024, nakatala ang PHIVOLCS-DOST ug 53 ka mga “volcanic earthquakes”; 4,113 tonelada nga “Sulfur Dioxide Flux” o kon “SO²” ug “Plume (Steam)” nga may gitas-ong 2000 metros.
Busa, nagpahimangno ang maong ahensya nga magpadayon sa pag amping ang mga katawhan ug padayon nga gibawal ang pag sukod sa “4 KM radius Permament Danger Zone” o kon “PDZ” ug bawal pa sab ang paglupad sa mga “aicraft” sa ibabaw sa baba sa Buklang Kanlaon.
