CAMARINES NORTE- Lifted na ang nakabanderng gale warning ng Pagasa sa mga karagatang sakop ng Camarines Norte matapos ang halos isang linggo.
Batay sa panibagong Sea Travel Advisory na ipinalabas ng Philippine Coast Guard ngayong umaga, inalis na ng Pagasa ang gale warning dahil sa pag improve ng sea weather condition sa area of responsibility ng Camarines Norte.
Gayunman, pinapayuhan ang lahat ng mga sasakyang pandagat na gawin pa rin ang extra precautionary measures dahil sa kasalukuyang weather condition.
Kapag ganito kasing panahon ng amihan ay asahan na madalas na malakas at mataas ang alon ng karagatan.
Asahang iiral ang amihan hanggang sa susunod na buwan.
Dahil lifted na ang gale warning ay makakapaghanapbuhay na uli ang mga mangingisda na ilang araw na natengga sa pagpalaot.
Pinagbawalan kasing maglayag lalo na ang mga bangkang 250 G.T. pababa noong mga nagdaang araw dahil sa hindi magangang kundisyon ng karagatan.
