LEGAZPI CITY – Pigkokondenar kan Grupong General Assembly Binding Women for Reform, Integrity, Equality, Leadership and Action (GABRIELA) Bicol Chapter, an su buot pagpapapirma sa mga Albayano sa People’s Initiative form sa bilog na probinsya kan Albay.
Segun kay Regional Coordinator Nica Ombao, nagkapira kaya sa mga puminirma dai man aram kung para sain an saindang pigpirmahan.
Nagtutubod si Ombao, dakol na mga indibidwal an naglaom na para sa ayuda an pinirmahan ninda.
Nagpatanid man ini sa mga Albayano na magtao nin dikit na oras nganing aramon talaga kun ano an Charter Change nganing maaraman kun ano an magigin epekto kaini sa mga Pilipino.
