KORONADAL CITY- FULLY vaccinated na laban sa COVID 19 ang 32.57% ng target na 3,490,115 na mga indibidwal sa Soccsksargen region.
Ayon kay Dr. Edvir Jane Montañer, immunization program coordinator ng Department of Health o DOH Region 12 na ito ay binubuo ng 1,136, 797 na mga indibidwal.
Ngunit ayon sa opisyal na ito ay masyado pang mababa kung ikukumpara sa target na 70% upang maabot ang herd immunity.
Samantala, dahil sa Bayanihan Bakunahan national vaccination days noong November 29 hanggang December 1, umabot na sa 1,926,633 na mga indibidwal ang partially vaccinated o 55.20% ng target population.
Ang Bayanihan Bakunahan Part II sa Soccsksargen ay isasagawa sa December 20 hanggang December 22 matapos itong kinansela dahil sa bagyong Odette.
