Natanggap na ng mga rehistradong mangingisda sa Olongapo City ang fuel subsidy mula sa Department of Agriculture.
Kahapon sa Subic ay pinangunahan ni DA Sec. William Dar ang distribusyon ng subsidiya sa mga mangingisdang may rehistradong bangka.
Ayon kay Francis Maniago ng City Agriculture Office, hindi pa lahat ng mga mangingisda ay nabibigyan dahil ang iba hindi kwalipikado base sa panuntunan.
Dahil dito, panawagan ni Maniago sa mga mangingisda ng lungsod na magparehistro para makatanggap ng ayuda sakaling may ibinibigay ang gobyerno.
Samantala, nilinaw naman ng City Agriculture Office na ang nasabing subsidiya ay nagmula sa national government at hindi sa lokal na pamahalaan.//Jen Bayot-BNFM OLONGAPO
Photo Courtesy: Olongapo City Agriculture and EcoTourism Office
