Nagpahayag ng kahandaang makipagtulungan sa Pilipinas ang French at German governments para mapahusay ang maritime security sa Indo-Pacific region.
Sa pagdiriwang ng Élysée Treaty kahapon, inulit ni French Ambassador Michèle Boccoz at German Ambassador Anke Reiffenstuel ang pangako ng kanilang mga bansa sa isang free at open Indo-Pacific region.
Sa panig ng France, sinabhi ni Ambassador Boccoz na handa silang magsagawa ng joint patrols kasama ang Pilipinas sa West Philippine Sea.
Noong nakaraang taon, nagpahayag ang France ng kagustuhang tulungan ang Pilipinas na bumuo ng submarine force bilang bahagi ng modernization program ng Armed Forces of the Philippines.
Sa kanyang bahagi, sinabi naman ni Ambassador Reiffenstuel na sinimulan na ng Germany ang pagsuporta sa Philippine Coast Guard pagdating sa maritime security at para protektahan ang teritoryo at biodiversity nito.//CA
