Gintaw-an it mataas nga pagkilaea si Former Aklan Governor Florencio (Joeben) T. Miraflores matapos nga raya hay mapabahin sa tatlong indibidwal sa nasyun nga napili nga mataw-an it Highest Distinction Award it Gawad Kapayapaan nga ginpatigayun it national government pinaagi it Office of the Presidential Adviser on Peace, Reconciliation and Unity (OPAPRU).
Ginpatigayun ro seremonya bilang kabahin it selebrasyon it National Peace Consciousness Month makarung, Setyembre 29 sa Philippine International Convention Center, Manila kung siin ginpangunahan mismo ni Presidential Adviser on Peace, Reconciliation and Unity Secretary Carlito G. Galvez, Jr.
Gintao ro nasambit nga award sa dating gobernador it Aklan bangud sa pagtinguha kara nga mapreserba ro kalinong ag kaayusan sa probinsya nga nagresulta sa pagkadeklara sa Aklan bilang Insurgency-Free province sa anang termino. // ANN DESLENE SALAZAR