Maeain-eain nga mga komento ro gin-ani it post it sambilog ka hotel manager sa isla it Boracay angot sa overpriced nga pagpatirintas it buhok it sambilog ka guest.
Base sa pahayag it hotel mananger, ginsukot it kabieogan nga P16,000 ro babaye nga turista matapos ipa-braid o magpatirintas it buhok ro anang unga nga foreigner sa sikat nga tourist spot.
Base sa diskusyon nga natabo online, maabong mga netizens ro nagpahayag it kapareho nga naagyan ag ginreklamo eun segun nanda raya sa pamunuan pero uwa it aksyon nga ginhimo ro local tourism agency.
Pahayag man it iban nga nagkomento, umabot eamang sa 300 pesos ro pagpatirintas it buhok.
Sa presente uwa pa it ginpaguwa nga pahayag ro Malay LGU angot sa nasambitan nga viral post./JIL B. LACSON
