Manami nga balita para sa mga unga it fisherfolk, mga unga nga may honor ag sa mga indigenous people bangud bukas eon ro gina-offer nga Fisheries Scholarship Program it Bureau of the Fisheries and Aquatic Resources o BFAR sa New Washington.
Ginklaro man ni Megan Bernadette Bonifacio Magno, Alternate Focal person it Fisheries Scholarship program it BFAR nga kung may daywa ka unga ro sangka pamilya nga makapasar sa andang igatao nga exam ag kung makasueod sa Top 20 ag Top 3 ro mga raya, hay ginabatun gihapon segun nanda.
Pila sa mga qualifications hay dapat owa pa naka-enroll para sa college ag indi maglampas sa 25 ro edad ag ro general average hay indi magnaba sa 80 percent. Raya segun nga program hay exclusive eamang sa mga State universities and colleges o SUCs nga naga offer it kurso nga Fisheries.
Tinutuyo kara nga ma-promote ro mga unga nga mag engage sa fisheries and farming.
Samtang, maliban sa mga pribilehiyo nga igatao sa mga unga nga naga excel, nagpasalig si Magno, nga kung may hiring ro BFAR hay ro mga nasambit nga scholar ro prayoridad. // ANN DESLENE SALAZAR
