Nagpa blotter sa Kalibo PNP ro sangka fish vendor matapos segun imaw nga paeagon.
Ginkilaea ro complainant nga si Elenel Arroyo 42yo it Bayanihan Road Andagao, Kalibo.
Sa report, ginkompronta nana ku Enero 26 si Lito Felix, sangka stall owner sa Kalibo Public Market para kutan-on kung ham-an gintueop ni Felix ro anang 14yo nga unga nga eaeaki.
Pero sa baylo segun nga magsabat si Felix hay nagbuoe raya it bolo nga nagtuga kana it kahadlok rasun nga ginpa-blotter nana sa pulis.
Gin-refer man sa barangay justice system ro nasambit nga insidente para sa nagakaigu nga disposisyon. / ANN DESLENE SALAZAR
