Arestado ang isa ka fish vendor, matapos nga ginserbihan sang warrant of arrest sang mga kapulisan sa Barangay Tiza, Roxas City.
Ginkilala ang naaresto kay Joemarie Altamia Lozano alyas “Jojo”, 36-anyos kag residente sang Washington Street Barangay VII, sining syudad.
Nagapangatubang sang kaso nga Attempted Homicide si Lozano.
Ang warrant of arrest ang ginpapanaog kag ginpirmahan ni Hon. Bonifacio Carmen Chuchi Asis Ramos, Presiding Judge sang MTCC, 6th Judicial Region, branch 3 Roxas City kag napetsahan Marso 6, 2023.
Ginrekomendar sang korte ang P36,000 nga piyansa para sa temporaryo sini nga kahilwayan. | Judy Ann Juare
