Mahabang usapan ang kakailanganin para mapag-usapan ang dahilan kung bakit nagbitiw sa puwesto si Vice President Sara Duterte bilang kalihim ng Department of Education (DepEd).
Ito ang naging pahayag ni Duterte nang matanong hinggil sa biglaan nitong pagre-resign sa ahensya noong nakaraang buwan.
Ayon kay Duterte, kailangan ng sitdown discussion para rito dahil medyo mahabang kwento na ito.
Pero ang pinakapinupunto niyang dahilan ay ‘personal’ at dahil sa ‘trabaho.’
Buhol-buhol at halo-halo na rin aniya ang mga dahilan dito.
Samantala, nilinaw ni Duterte na walang kinalaman si First Lady Liza Araneta-Marcos sa desisyong pagre-resign niya bilang DepEd secretary.
