Binigyang-diin ni National Bureau of Investigation Dir. Jaime Santiago na hindi sila nagre-rely sa picture lamang.
Ito ay matapos mag-match ang fingerprints ni Bamban Mayor Alice Guo at ng sinasabing si ‘Guo Hua Ping,’ at kasunod din ng isang NBI document na nagpapakita ng larawan ng isa pa umanong Alice Leal Guo na hindi kamukha ng alkalde.
Ayon kay Santiago, walang parehong tao ang nagkakaparehas ng fingerprints, kahit pa raw ang mga kambal.
Hindi umano nagkakamali ang prosesong ito ng siyensiya pagdating sa pagtukoy ng indibidwal.
Ibig sabihin umano nito, talagang ang nagpakilalang si Mayor Alice Guo ay si Guo Hua Ping.
Samantala, tumanggi na munang magkumento ang kampo ni Guo.
Ayon kay Attty. Stephen David – maaga pa para mag-comment sa issue lalo na’t wala pa silang pagkakataon na ma-examine ang mga dokumento.
Hindi pa rin daw nila tiyak ang source ng mga ito.
