KALIBO, AKLAN—Nagtakop eon do filing it applications para sa Civil Service Examination-Pen and Paper Test (CSE-PPT) sa CSC Aklan field office nga nakataeana nga igapatigayon sa Hulyo 18, 2021.
Base saadvisory it CSC 6, indi eon magabaton it application sa Aklan bangud nga naabot eon do maximum allocated slots it probinsya para sa CSE-PPT.
Mag-eowas sa Aklan, indi man eon magabaton it application para sa nasambit nga eksaminasyon do Iloilo, Antique, Guimaras, ag Negros Occidental.
Samtang, nagapadayon man do pag-refund sa examination fees it na-cancel nga March 15, 2021 CSE-PPT exam. // SHERRY ANNE REUNIR-VIDAL
