Nakabalot sa tissue at nasa basurahan nang matagpuan ang isang fetus sa East Departure Restroom ng NAIA Terminal 1 sa Pasay City.
Base sa inisyal na imbestigasyon, nangongolekta ng basura ang isang cleaning staff ng paliparan nang makita nito ang isang tissue na basang basa ng dugo.
Nang suriin ito ay dito na nakumpirma ng MIAA Medical team na ito nga ay isang buwang gulang na fetus.
Samantala, nagsasagawa na ng joint investigation ang NAIA Police Station 1, Airport Police Department, at Sub Station 8 para mas matukoy ang kinaroroonan ng ina ng fetus.
