Nagdala sang daku nga bugal sa Roxas City kag sa bug-os nga probinsya sang Capiz ang Filamer Christian University Chorale matapos madinalag-on nga nakakuha sang pasidungog sa ginhiwat nga 12th Bali International Choir Festival sa Bali, Indonesia sini lamang nga July 24 – 29, 2023.
Malipayon ang hubon sang FCU Chorale bangud ila nakuha ang Gold Medal IV, Qualified to Championship and CATEGORY WINNER OF MIXED YOUTH CATEGORY kag Silver Medal with the 2nd Highest Score in the Championship Round.
Ang Bali International Choir Festival (BICF) isa ka tuigan nga choral event nga gin-organisa sang Bandung Choral Society sa Bali, Indonesia nga ginapasakupan sang mga chorale groups halin sa nagkatuhay nga pungsod.| Judy Ann Juare
