I-FINALIZE sa adlawng Lunes, ang fare matrix sa mga trisikel nga gabiyahean sa GenSan.
Kini ang gibutyag ni Kagawad Dominador Lagare Jr. nga makigtagbo siya sa MTFRB aron i-revisit ang sogyot sa pagpataas sa pletihan sa trisikel unya pa dalhon sa konseho aron matuki.
Dungan niini, nagpahigayon matud pa og consultative meeting sa maong sogyot sa mga nagkadaiyang stakeholder, consumer, PWD, senior citizens ug daghan pa aron mahan-ay ang transportasyon.
Kung dili matud pa mahuman sa 19th Sangguniang Panlungsod, i-carry over sa 20th SP ang magtuki sa fare matrix.
Nasayran nga gusto usab maklaro ni Lagare ang tanan aron nga maplastar ang fare matrix nga dugay na usab gihulat sa mga commuting public ug sa mga trisikel drivers human sa sunod sunod usab nga pagtaas sa presyo sa produktong petrolyo.
Lakip sa hangyo sa mga trisikel drivers nga tugutan sila sa full load tungod sa ilang makita sa mga jeepney ug multicab halos wala na natuman ang 75 percent capacity sa mga sumasakay.
