Epektibo na ngayong araw ang fare increases sa mga public transport, matapos na aprubahan ito ng Land Transportation Franchising and Regulatory Board (LTFRB).
Mababatid na P1 provisional increase sa minimum fare para sa unang apat na kilometrong biyahe ang inaprubahan ng LTFRB sa public utility jeepneys (PUJs), dahilan para ang minimum fare para sa traditional PUJ ay P12 na, habang sa modern PUJ ay P14.
Para naman sa public utility buses (PUBs), ang minimum fare para sa city buses ay tataas na ng P2 para sa unang limang kilometro o P13 para sa regular buses, at P15 para sa air-conditioned buses.
Sa mga taxi, tataas ng P45 ang flagdown rate at P40 sa Cordillera Administrative Region (CAR), habang ang pasahero sa transport network vehicle services (TNVS) ay tataas sa P35 para sa hatchback-type vehicles; P45 para sa sedan-type vehicles; P55 para sa Asian utility vehicles (AUVs) at sports utility vehicles (SUVs).
