LEGAZPI CITY – Tinawan-doon kan National Police Commission (NAPOLCOM) Bicol na kinakaipohan nindang mag-adapt, mag-upgrade asin makipagsabayan sa improvement nin connection sa eksaminasyon orog na sa bagong henerasyon.
Ini an sinabi ni Dr. Ma. Gianelli Besana, Chief Administrative Officer kan nasambit na opisina sa intrevista kan Brigada News FM Legazpi.
Inabisuhan ni Besana an mga desididong aplikante na nasa hararayong barangay na magpasiring na sana sa banwa tanganing makapag-online register.
May mga barangay na wara o may maluyang internet connectivity asin an iba wara nin smartphone kaya kinakaipuhan na magduman sa mga lugar na may signal siring kan mga sentro.
I-access sana an NAPOLCOM website o an www.napolcom.gov.ph asin pilion kun arin an exam na a-applyan – kun entrance o promotional.
