LEGAZPI CITY – Nagpepreparar na an gobyerno-probinsyal kan Albay para sa final budget hearing kaini sa ibong kan namamateang budget contraction kan probinsya.
Ini kinumpirmar ni Reynaldo Bragais, Chairman kan Committee on Budget and Appropriations asin 1st District Board Member, kun sain sinabi kaining may surat nang pinadara sa mga department head asin hospital chiefs manungod sa iskedyul kan deliberasyon kan budget.
An ultimong pagdangog para sa budget kan manlaen-laen na departamento asin ospital, nakaiskedyul na isagibo sa maabot na Nobyembre 15-17.
An 2024 budget kan PGA, buminawas nin haros PHP400M huli sa epekto kan pandemya.
Segun pa kay Bragais, posible man an paglangkaw nin budget sa mga maabot na taon.
Tiuson muna su boot sa ngunyan, huli ta naglalaom man siya na pag-abot kan 2025, magigin marhay an budget kan probinsya.
