ALL set na karong adlawa ang ipahigayon nga pinakaunang face to face nga jobs fair sa Department of Labor and Employment kon DOLE pagkalabay sa 18 ka bulan sa KCC Gensan ug dungan usab sa 88th founding anniversary sa nahisgotan nga ahensya.
Kini ang giluwatan ni Conrad Artates ang labaw sa DOLE Gensan Field Office ug gina-awhag ang mga job seekers nga magdala ug daghan nga resume ug application letter aron nga maka-apply sa nagkadaiyang kompanya nga moapil sa maong jobs fair.
Gipaklaro usab sa opisyal nga kinahanglan motuman ang tanan nga mga partisipante nga mosunod sa ipatuman nga mga health safety protocol sa maong aktibidad.
Segon ni Artates nga ubay-ubay nga trabaho sa local ug overseas ang ihanyag sa kapin sa 50 nga mga kompanya nga musalmot sa nahisgotan nga kalihokan.
Sa maong okasyon ginalauman usab nga dunay ma- hired on the spot ilabi pa nga daghan og mga kompanya nga nanginahanglan na og mga trabahante.
