Bahagyang lumakas ang Tropical Storm Fabian habang kumikilos pa-north northwestward ng Philippine Sea.
Sa pagtaya ng PAGASA, huling namataan ang sentro ng bagyo sa 1,095 kilometers east northeast ng extreme Northern Luzon, dala ang lakas na hangin na 75 km per hour malapit sa gitna at pagbugsong umaabot sa 90 kph.
Kumikilos ito pa north-northwestward sa bilis na 10 kph.
Sinabi ng PAGASA, na hindi naman magdadala si Fabian ng malakas na ulan sa bansa.
Samantala, ang Bagyong Fabian at isa pang tropical depression sa 770 km west ng Basco, Batanes ang magpapaigting ngayon sa southwest monsoon.
Bukas, inaasahang lalabas sa northern boundary ng Philippine Area of Responsibility ang Bagyong Fabian.
Pero dahil sa uncertainty ng track, sinabi ng weather bureau na dahil sa southward shift ng track ni Fabian, malaki ang posibilidad na muling pumasok ito sa PAR. // MHEL PACIA-TRINIDAD
