Dapat nga ibalik sa gilayon ang 59 employees nga ginkakas sang Baciwa tagsa ka mga trabaho. Ini ang pahayag ni Atty. Rey Gorgonio, abogado sang Baciwa employees union.
Suno kay Gorgonio, executory ang desisyon sang Civil Service Commission (CSC) kag dapat tumanon sang mga Board of Directors sa Baciwa ang amo nga mando pinaagi sa pagpapahibalo sa mga ini angot ila employment status sa Baciwa.
“Executory kasi ang reinstatement. The board of the directors should take up actions to immediately notify all the fifty nine employees who are unlawfully terminated to return to their work”.
Dugang ni Gorgonio, posible i-appeal sang mga direktor sang Baciwa ang desisyon sang Civil Service Commission sa central office, apang sa paghimo sini dapat iga re-instate anay ang mga empleyado.
“Kung i-appeal nila kag indi sila mag comply, thats goes to say na ang pinuprotektahan lang nila ang sarili at ang vested interest nila, and not the interest the consumers and Bacolod City water district”.
Ginpahanumdom ni Gorgonio nga dako ang bulig nga mahatag sang 59 ka empleyado sa pag reconcile sang mga record sang mga myembro sang Baciwa ilabi yadtong mayreklamo angot sa nagtaas nga bill sini sa kamot sa Prime Water.
Madumduman, Agosto 25, 2021 nabaton sang Baciwa employees ang desisyon sa Civil Service Commission region 6 nga perminado ni SCC Region 6 Director Nelson Samiento nga naga mando sang pag reinstatement kag pagbayad sang full back wages sang kay Leny Espina kag mgabyood sini sa trabaho sa Baciwa.
Nobyembre 16 2020 gintake over sang Prime Water Corporation mga ginapanag iyahan sang pamilya Villar ang operasyon sang Baciwa bilang kabahin sang Joint Venture Agreement (JVA). Desyembre 31, 2021 nagpaguwa sang resolution sang Baciwa Board nga naga deklarar nga ‘redundant’ ang posisyon sang 60 ka mga empleyado sang Baciwa.
