Patay diha-diha dayon ang usa ka lalaki human gipauwanan kinig bala kay matud pa wala kini mobayad sa gikuha nga illegal nga drugas sa sitio kamansi , Brgy. Mambaling ning syudad sa Sugbo pasado alas 12 kaganihang kadlawn.
Si Edmundo Dayao, 35-anyos patay human nakaangkon og daghang samad pinilusilan sa lawas. Gikan lang kini naka-pyansa sa kanhi kaso ang may kalambigitan sa illegal nga drugas.
Nasayran sa kapulisan nga duha ang suspect sa nahitabong pagpamusil, kinsa dali nga nakasibat.
Base sa inisyal nga imbestigasyon sa kapulisan nga gipanguluhan ni Police Major John Lynbert Yango, hepe sa Mambaling Police Station, adunay kalambigitan sa ilegal nga drugas ang motibo sa krimen.
Nakarecover sa crime scene og duha ka kabhang sa bala sa kalibre .45 ug usa ka pakite sa gituohang illegal nga drugas.
Gikatahong dunay dakong nadispalko nga kwarta ang biktima hinungdan nga siya gitarget sa mga suspect .
Padayon pa nga nihimo og hot pursuit operation ang kapulisan arun sa pagsikop sa duha ka suspetsado. | Sheila Mae Altubar
