Inaprubahan ng European medicines watchdog ang paggamit ng Moderna COVID-19 vaccine para sa mga bata na edad 12-17.
Sinabi ng European Medicines Agency na sa paggamit ng Spikevax vaccine sa mga bata na edad 12-17 anyos, ay nakitaan ito ng antibody response na tulad ng makikita sa mga young adults na edad 18-25.
Ang Spikevax ay ang brand name ng bakuna ng Moderna.
Ayon sa EMA, naisagawa ang pag-aaral sa epekto ng Spikevax sa kabataan sa pamamagitan ng 3,732 na volunteers na ang edad ay 12-17.
Samantala, inihayag naman ng EU na nagawa na fully vaccinated na ang 200-million na Europeans, na higit na sa kalahati ng buong adult population nito.
Gayunman, hindi pa rin ito aabot sa 70% target na itinakda nito para sa summer.
