BALIK face to face class na ang mga estudyante sa GenSan human sa usa ka semana nga pagsuspenso sa luwas human sa kusog nga linog.
Matud ni Carlito Rocafort, regional director sa Department of Education (DepEd) 12, base sa gihimong rapid assessment, luwas ang mga tulunghaan sa pagbalik sa klase karong adlawa. Dugang ni Rocafort, gisuta sa mga engineer sa DepEd ug LGU’s ang structural integrity sa mga schools building sa GenSan.
Nakita nga dunay mga non- structural damage ang pipila ka eskwelahan ug kini ang gitubag na sa DepEd. Pasabot ni Rocafort, wala lang dayon napabalik sa klase ang mga estudyante tungod giuna ang nabiktima sa linog.
Una nang, gibutyag ni Isagani Dela Cruz, Schools Division Superintendent sa DepEd-GenSan, non-structural damage ang naangkon sa pipila ka classroom sa eskwelahan sa siyudad. Duna usab mga eskwelahan nga gipailawom sa yellow alert o dunay posibilidad nga magpahigayon og blinded nga klase. I Richel Gubalani