PATAY ang usa ka estudyante sa Alabel, Sarangani Province human nakasugat og disgrasya samtang nagamaneho og motorsiklo.
Ang biktima naila nga si Charlene Mae Alumbro, 21-anyos, nga taga Purok Bagong Silang, Barangay Pagasa, Alabel, Sarangani Province.
Subay sa imbestigasyon sa Alabel PNP padulong sa Poblacion Alabel ang estudyante kay moadto sa kalingawan sa MunaTo Festival apan nag banggaanay sila sa kasugat nga motorsiklo nga gimanihoan ni Christopher Bantot, 47-anyos nga taga Sitio Tagaytay, Datal Anggas, Alabel.
Nasamdan sa nawong, sa tiyan ug sa tiil ang estudyante, naguba usab ang iyang motorsiklo samtang nabalian ug wala nga tiil si Christopher ug nadala sa Davao Hospital.
Sumala sa inahan ni Charlene nga soi Rolina wala gayud niya nadungog bisan ang ulahing tingog sa iyang anak nga kamaguwangan, bisan ang pag reklamo nalang kung asa ang sakit sa lawas, apan sa hinay-hinay ilang dawaton nga disgrasya ang nahitabo. I Ver Diazon
