Aminado ang Energy Regulatory Commission (ERC) na nagkulang sila sa pagsasagawa ng monitoring sa mga planta.
Ito ay matapos lumabas sa pagkukwestyon ni Senate Committee on Energy, chairperson, Senador Raffy Tulfo kay ERC Director Sharon Montaner na tuwing midyear lang ng limang taong contract ng mga planta nila isinasagawa ang monitoring.
Alinsunod nito, pinagalitan ni Tulfo ang ERC dahil sa hindi umano paggawa ng mga ito ng kanilang trabaho na nagiging dahilan ng mga kabila’t kanan na force outage.
Anya, tulad ng mga sasakyan at eroplano ay importanteng matiyak ng ERC na well-maintained ang mga planta upang makapag-operate ng maayos lalo na kapag tag-init.
Kaugnay nito, binigyang-diin niya na maliban sa pagparusa sa mga planta na sangkot sa mga force outage ay dapat ding maparusahan ang mga ito.
