MISAKA na sa 148,607 ang numero nga naka-enroll sa pribado ug pampublikong tulunghaan sa GenSan. ‘Very good’ sumala pa ang maong numero ikaduhang tuig sa remote learning, butyag sa Department of Education (DepEd) – GenSan.
Kini ang 86% tandi sa datus nakalabay’ng nga tuig, panahon nga gipatuman ang distance learning ug gibawal ang physical classes tungod sa Covid-19 pandemic.
Matud ni Romelito Flores, Schools Division Superintendent nakita nila ang pagsaka sa numero sa nagpa-enroll karong tuiga. Apan naglaom nga duna pay mopa-enroll hangtud sa Setyembre 17 ug mahimo pa silang modawat og estudyante sa katapusan ning bulana.
Dugang ni Flores, daghang tulunghaan sa GenSan ang nagbutang na og sistema pagkuha sa mga ginikanan sa module. Kini aron masiguro nga masunod gihapon ang health protocols batok sa nasangpit nga virus. Mihangyo kini sa mga ginikanan nga makigtinabangay kanila aron dili mapadayon ang pagtuon sa mga bata. ( Richel Gubalani)
