POSITIBO sa paggamit og iligal nga droga ang usa ka empleyado sa Alabel, Sarangani Province, kini ang gikumpirma ni Mayor Vic Paul Salarda.
Matud ni Salarda, dugay- dugay nang empleyado sa usa ka departamento sa munisipyo ang lalaking empleyado nga wala niya gipanganlan. Ang pagpositibo sa nasangpit ang dungan sa ‘massive’ surprise drug-test nga gihimo sa 600 ka opisyal ug empleyado sa LGU-Alabel, Lunes sa buntag.
Ang pagpahigayon niini ang ginahimo sa municipal employee nga regular, dugang ni Salarda. Gipatawag na kini sa mayor aron estoryahong personal ug makahimo og lakang aron mabuhian niini ang paggamit og gidiling droga.
Luyo niini, gisiguro ni Salarda nga dili i-tolerate ang kinsa mang personahe sa LGU nga malambigit sa paggamit og iligal nga droga. Takdang magpagula og rekomendasyon ang legal office human nasutang positibo sa paggamit og gidiling droga sa empleyado.
Una nang, gideklara nga ‘drug- free’ municipality ang nasangpit nga munisipalidad. I Richel Gubalani
