NANAWAGAN ang Environmental official sa LGU sa GenSan nga tumanon ang tambag nilang ibawal ang usa pagkaligo sa public beach. Nagpagula na usab og ‘advisory’ ang Environmental Management Bureau (EMB-12) kalabut niini.
Kini dungan sa pagkatala og taas nga lebel sa fecal coliform sa coastal water sa Queen Tuna Park sa Barangay Dadiangas South ning siyudad. Matud ni Engineer Omar Saikol, EMB-12 director nahisgotan na nila ni City Environment and Natural Resources (CENRO) head Allan Marcilla ang problema sa maong public beach.
“Mataas ang fecal coliform sa Queen Tuna Park so, nagpalabas kami ng advisory na sana e-heed ng local government unit na wag na munang paligoan talaga, hindi naman closure pero bawalan sana maligo o magtampisaw kasi marumi talaga ang tubig,” asoy ni Saikol.
Sa text message nga gipadala ni Marcilla sa tigbalita sa Brigada, gibutyag niini nga dili angayang kaligoan usa ang Queen Tuna Park. Apan ang pagdumala sa maong parke lakip ang coastal water nga bahin sa parke ang ilawom sa Barangay Dadiangas South.
Butyag ni Saikol nga taas sa allowable level ang nakita lebel sa fecal coliform sa parte sa coast water sa maong public beach. Nakita nilang rason ang paglabay og hugaw sa hayop ug tao labi na sa populated area sa siyudad ang rason niini. I Richel Gubalani
