LEGAZPI CITY – Namahagi ang Energy Development Corporation (EDC) ng family foods packs (FFPs) sa Mayon evacuees sa bayan ng Camalig, Albay.
Nasa 1,000 mga FFPs na may lamang bigas, delata, kape, gatas, instant noodles, sabon ang ipinamahagi ng nasabing korporasyon.
Bukod dito, mayroon din itong ibinigay na 1,000 piraso ng 20-liter water containers at 660 packs ng diaper para sa mga sanggol at mga bata.
Ayon sa LGU Camalig, mahalaga ang pagtutulungan sa mga kinakaharap na problema.
Matatandaan, may nabuo nang ugnayan sa pagitan ng kanyang tanggapan at ng EDC matapos ang retrieval operation noon sa Cessna Plane Crash noong buwan ng Pebrero.
