Nananatili pa ring ‘on-track’ ang Pilipinas sa pagkamit nito sa paglago ng ekonomiya.
Sa isang forum, sinabi ni Finance Secretary Benjamin Diokno na maaabot pa rin ng bansa ang growth target para sa kasalukuyang taon.
Ayon sa kalihim, pasok pa rin sila sa 6-7% na full-year growth target ngayong 2023.
Maliban dito, tumaas din umano ang mga nakolektang buwis ng 10.83% mula sa mga nagdaang period.
Matatandaan na sa huling report ng economic managers, bahagyang bumagal ang economic growth sa unang kuwarter ng taon sa 6.4%.
Sa quarter 1 naramdaman ang sunud-sunod na pagsipa sa inflation rate, bago ito bahagyang humupa sa quarter 2 ng taon. //LGD, edited MHEL PACIA
