Inayat it nagwala nga hilong ru mga nag responding pulis sa Brgy. Laguinbaua-West, Numancia, Aklan kabie.
Nakilaea ru eaeaki nga si Leonardo Cordova, 59 anyos ag residente it nasambit nga lugar.
Sa pag responde it mga kapulisan, aktong naabutan nga naga wala ag nag wagayway it kutsilyo ru suspek rason nga gin negosyar it otoridad.
Apang, inayat it suspek ru mga pulis ag ikara, deritsahan nga gin daea sa Numancia MPS.
Maga pangatubang it kasong pagbiolar sa pagsukoe sa mga kapulisan ag COMELEC gunban ru suspek.
Naga balor it P39,000 ru pyansa para sa temporaryong kahilwayan sa daywang kaso it suspek. //MARIVIC Y. ILIN
