Na hit and run driver it motorsiklo it sangka Toyota Wigo sa Jaime Cardinal Sin Ave., Brgy. Andagao, Kalibo, Aklan.
Sa imbistigasyon it Kalibo MPS, nakilaea ru biktima nga si Alden Masinda, 40 anyos, ag residente it Brgy. Navitas, Numancia, Aklan angkas ru back rider nga sangka 17 anyos.
Nasayuran ru driver it TOYOTA Wigo hay sangka babaye nga taga-Kalibo, Aklan.
Base sa CCTV, nakit-ang nagpanaog pa sa anang saeakyan ru driver nga babaye ag nag paeapit sa biktima apang ku ulihi hay anang gin aywanan sa lugar.
Kun matandaan, halin sa direction it New Washington paadto it Kalibo ru motrosiklo kat matabo ru aksidente.
Eagi man nga gin respondihan it PDRRMO ag gin daea sa hospital ru biktima apang namatay samtang gina bueong.
Samtang, nakipag-angot eon sa pamilya it biktima ag Kalibo MPS ru babayeng driver it TOYOTA Wigo.//MARIVIC Y. ILIN
