Patay ro sangka eaeaki matapos raya nga mag angkon it maabung igu it pagbuno sa eawas sa Sitio Bota, Brgy. Cortes, Balete, Aklan ku Hulyo 12 bandang alas 10 it gabii.
Ginkilaea ro biktimang si Junito Cuadrante nga nag angkon it maabung pagbuno sa eawas nga naging rasun it kamatayun kara, samtang ro suspek hay si Francis Dominguez 33yo, ag parehung residente sa nasambit nga lugar.
Sa imbestigasyun it Balete MPS, naga inuman ro suspek sa mismong baeay it biktima, kat gulpi segun nga nagsinggit si Cuadrante nga “pamatyon ta kamo”, kadungan it pag gabot it anang sanduko o bolo.
Naagaw segun it suspek ro bolo ag ginbuno raya sa eawas it biktima.
Suno sa suspek, self-defense eang ro anang ginhimo.
Narekober man it mga kapulisan ro bolo nga may habang 23 inches samtang ro suspek hay sa kustodiya eon it Balete MPS para sa nagakaigu nga disposisyon. // // ANN DESLENE SALAZAR
