Binaril sa hita ru sangka 31 anyos nga eaeaki samtang naga tindog sa prente it panimaeay sa Brgy. Manika, Libacao, Aklan kahapon it aga-aga.
Nakilaea ru biktima nga si Carlo Senen it nasambit nga lugar.
May gulpi eamang sigun nga eompok maeapit sa baeay it biktima ag tuman kakibot kat mabatyagan na nga may nag binhod sa waea nga hita.
Ulihi na eon napansin nga binaril imaw it uwa makilaeang suspek.
Eagi man nga gin daea sa hospital ag sa makaron hay padayon pa nga gina bueong.
Indi pa masayuran it mga kapulisan kun ano ru motibo it suspek sa biktima.
Samtang, naga padayon pa ru imbistigasyon it Libacao MPS agud matumod ru identity it suspek.//MARIVIC Y. ILIN
